სასტუმრო „დინასტია“ 2023 წლის 4 სექტემბრიდან მასპინძლობს სტუმრებს ქალაქ ბაღდათში, რომელიც გამოირჩევა ტურისტული პოტენციალითა და უნიკალური ატმოსფეროთი. აქ დაგხვდებათ გარემო, სადაც კომფორტი, სიმყუდროვე და ხარისხიანი მომსახურება ერთდება, რათა თითოეული სტუმრის დასვენება დაუვიწყარ გამოცდილებად იქცეს. აღსანიშნავია, რომ მმართველი რგოლი არის თავად დამფუძნებელი. სასტუმროში სულ 7 ნომერია, რომლებიც მაქსიმალურად არის მორგებული სტუმრის კომფორტზე: 4 სტანდარტული ნომერი – მყუდრო და კომფორტული სივრცე დასვენებისთვის; 3 ლუქსის კლასის ნომერი – მეტი სივრცე და ელეგანტური ინტერიერი განსაკუთრებული გამოცდილებისთვის. აღსანიშნავია , რომ პირველი სართული ადაპტირებულია შშმ პირებისთვის, რათა სასტუმრო ყველასთვის ხელმისაწვდომი იყოს. მომსახურებაში შედის: განთავსება და საუზმე.